Novas in Interlingua

[Photo] Corvos mundara nostre citates?Le startup svedese nominate “Corvid Cleaning”, cuje fund [...]

Fri, 03 Apr 2026 15:56:45 +0300

Corvos mundara nostre citates?

Le startup svedese nominate “Corvid Cleaning”, cuje fundator es Christian Günther-Hanssen utilisa le intelligentia e le capacitate de apprender del corvidos pro meliorar le munditia public. Le base del methodo es le “conditionamento operante”: le aves apprende que si illos pone un puncto de cigarretta jectate via o parve immunditias in un machina automatic special, illos recipe in cambio immediatemente un “recompensa” (pro exemplo un nuce. Le machina es equipate con un sensor que recognosce le residuos introducite e distribue le mangiar automaticamente.) Le corvidos es capace de recognoscer le relationes de causa e effecto e le patronos pro obtener le recompensa.

Le initiativa non es actualmente un systema introducite a nivello national, ma un ”projecto pilota” que era presentate como forma experimental in le urbe svedese Södertälje. Le objectivo primari del projecto es le demonstration e le testage del technologia in un ambiente urban.

[Photo] Noelia Castillo Ramos mori per euthanasia in Espania a 25 annosLe 26 de martio 2026, N [...]

Sat, 28 Mar 2026 03:56:32 +0300

Noelia Castillo Ramos mori per euthanasia in Espania a 25 annos
Le 26 de martio 2026, Noelia Castillo Ramos, espaniola de 25 annos, moriva per euthanasia in Sant Pere de Ribes, Barcelona. Castillo suffreva de un lesion medular irreversibile post un tentativa de suicidio in octobre 2022, que la lassava con paraplegia, dolor neuropathic chronic e suffrentia psychologic sever. In 2024, illa requestava formalmente le euthanasia sub le Lege Organic de Euthanasia (LORE). Su patre, con le appoio del association Advocatos Christian, initiava un battalia judicial de 20 menses per cinque instancias — usque al Corte Europee de Derectos Human — ma omne tribunales confirmava su derecto e capacitate decisional. In su ultime horas, Castillo esseva accompagnate per su familia e amicos, ma peteva esser sol durante le procedura.

Vivian Motzfeldt, ministra de affaires estranier de Groenlandia non poteva retener su lacrimas [...]

Tue, 20 Jan 2026 09:23:30 +0300

Vivian Motzfeldt, ministra de affaires estranier de Groenlandia non poteva retener su lacrimas post un reunion tense, tenite mercuridi (le 14) in le Casa Blanc.

Insimul con le ministro de affaires estranier danese Lars Løkke Rasmussen, le ministra Motzfeldt incontrava le vice-presidente JD Vance e le secretario de stato Marco Rubio pro effortiar se calmar le tensiones inter le Statos Unite e Groenlandia.

Donald Trump ha declarate repetitemente que ille desira annexar le insula de Groenlandia al Statos Unite. Malgrado le effortios del delegation, le situation non ha cambiate de maniera significative.

"Nos non ha succedite cambiar le position american," diceva Rasmussen secundo Politico. "Il es clar que le presidente ha iste intention de acquirer Groenlandia. Nos ha facite multo-multo clar que isto non es in le interesse del Regno."

"In general, io non voleva dicer iste parolas, ma ora io los dice totevia: nos es multo forte. Nos face toto possibile. Ma durante le ultime dies, naturalmente... Oh, io deveni multo emotive! Io es stressate."

Illa addeva que illa e su equipa labora durmente pro "assecurar que le populo groenlandese pote sentir se secur in nostre pais e viver in pace."

"Nos utilisa omne nostre fortia pro attinger isto, durante que nos continua nostre travalio," declarava le ministra.

Donald Trump continua insister sur su idea de annexar Groenlandia al Statos Unite, proque ille crede que tanto China como Russia se effortia obtener le controlo del region.

[Photo] Imagine publicate in le conto official de Donald Trump in le rete social Truth:https:/ [...]

Sat, 03 Jan 2026 20:07:21 +0300

Imagine publicate in le conto official de Donald Trump in le rete social Truth:

https://truthsocial.com/@realDonaldTrump/115832088990838303

[Photo] Historic captura de Nicolás Maduro in un operativo del SUA 🇻🇪 | 🇺🇸In un gyro sin prece [...]

Sat, 03 Jan 2026 19:55:58 +0300

Historic captura de Nicolás Maduro in un operativo del SUA 🇻🇪 | 🇺🇸

In un gyro sin precedentes, le presidente de Statos Unites, Donald Trump, annunciava iste sabbato le captura del lider venezuelan Nicolás Maduro post un operativo militar a grande scala in Caracas. Secun le communicato official, ab le residentia de Mar-a-Lago, Maduro e su sposa, Cilia Flores, esseva detenite per fortias de elite e transferite immediatemente foras del territorio venezuelan pro garantir lor custodia.

Le vice-presidente Delcy Rodríguez, qui se mantene in un loco incognite, qualificava le acto como un sequestro illegal e un aggression imperialista. Per su parte, mandatarios como Javier Milei celebrava le successo como le fin de un era de oppression.

Interim, Russia e China ja ha protestate ante le ONU pro le violation del soveranitate national. Se expecta que le prisionero sia portate a un base in le Caribe pro initiar un processo judicial historic. Le communitate international observa con cautela iste conflicto.

[Media]

Mon, 22 Dec 2025 12:18:50 +0300

https://teletype.in/@dida_temir/8QvHN3oP4Ig

Teletype
📰 COLPO DE TIMON IN CHILE: KAST GANIA LE PRESIDENTIA E SIGILLA LE DISFECTA HISTORIC DEL PARTITO AL POTER E DEL SINISTRA 🇨🇱
Santiago, Chile – Le nocte de dominica, le 14 de decembre 2025, marcava un puncto de inflexion in le politica chilen. José Antonio Kast...

[Photo] 📰 Nove Onda de Attentatos Attribuite al ELN Colpa Cúcuta e le Frontera 🇨🇴🇻🇪Un escalat [...]

Mon, 15 Dec 2025 14:20:20 +0300

📰 Nove Onda de Attentatos Attribuite al ELN Colpa Cúcuta e le Frontera 🇨🇴🇻🇪

Un escalation de violentia saccudeva le region frontalier de Cúcuta in le ultime septimana. In le nocte del 6 e le aurora del 7 de decembre, un serie de attaccos terrorista simultanee lassava un balancia tragic de duo policieros morte e al minus sex personas ferite, includente damnos material grave.

Le attaccos, attribuite al ELN, includeva le detonation de explosivos dirigite contra turres de energia in le anello vial oriental e un attacco con rafagas de fusil contra un Commando de Attention Immediate (CAI) in Villa del Rosario.

In plus, in le ultime 24 horas (al 14 de decembre), un attacco armate in Puerto Santander, tamben in Nord de Santander, lassava un morto, accendente de nove le alertas de securitate e ducente al suspension preventive del transportation intermunicipal verso le Catatumbo. Le autoritates mantene le maxime alerta e offere un millionari recompensa pro information super le responsables.

[Photo] 📰 Attentato Terrorista a Bondi Beach Saccude SydneyAl minus 12 personas moriva e 29 e [...]

Sun, 14 Dec 2025 23:52:20 +0300

📰 Attentato Terrorista a Bondi Beach Saccude Sydney

Al minus 12 personas moriva e 29 esseva ferite in un tragic fusillada occurrite iste dominica al popular plagia de Bondi Beach, Sydney, durante un celebration del festa judee de Hanukkah.

Le autoritates australian tracta le evento como un acto terrorista con presumite motivation antisemitic. Inter le victimas mortal se trova un del attaccantes; un secunde suspecto es in stato critic sub custodia policial.

Le prime ministro, Anthony Albanese, qualificava le scenas de "angustiose". Le policia ha initiate un investigation exhaustive, essente iste le attacco con le plus grande numero de victimas in Australia desde 1996. Le communitate se uni in solidaritate ante le horror.

[Photo] Sofia, 12 de decembre 2025 🇧🇬Le Governo de Bulgaria Cade Post Protestas Massive!Le Par [...]

Sun, 14 Dec 2025 01:04:14 +0300

Sofia, 12 de decembre 2025 🇧🇬

Le Governo de Bulgaria Cade Post Protestas Massive!

Le Parlamento bulgare acceptava le resignation del Prime Ministro Rosen Zhelyazkov, post septimanas de massive protestas contra le corruptela e le plano budgetari ante le adoption del euro.

Decenas de milles de cives, multes juvene, demandava in le stratas le resignation del governamento tripartito, accusante lo de mal administration e de non combatter le corruptela endemic.

Iste crise aperi le porta al octave electiones general desde 2021, approfondante le instabilitate politic del pais le plus povre del UE. Le governamento dimissionari evitava assi un motion de censura.

[Photo] In le quadro del electiones regional e local de Namibia, celebrate le passate 27 de no [...]

Thu, 27 Nov 2025 21:52:47 +0300

In le quadro del electiones regional e local de Namibia, celebrate le passate 27 de novembre, un nomine ha captivate le attention global: Adolf Hitler Uunona.

Le politico namibie, membro del partito Organisation del Populo de Africa del Sud-West (SWAPO, per su acronymo en anglese) , revalidava su cargo como consiliero pro le circumscription de Ompundja, obtenente un victoria con un ample majoritate. Il es le quinte vice consecutive que Uunona gania iste posto.

Le curiositate reside in su nomine, identic a illo del dictator german. Uunona, qui ha essite un activista anti-apartheid, ha declarate in le passato que su patre probabilemente le dava le nomine sin comprender lo que le chef nazi representava, viste que Namibia era un colonia german.

Uunona insiste que ille non ha "absolutemente nihil a vider" con le ideologia nazi ni con le domination mundial, e sovente usa le signatura "Adolf H. Uunona" pro minuar le controversia. Tamen, su nomine continua a esser un puncto de attention in cata contesta electoral.